Landsbankinn seldur Ístak Ísland ehf

Ístak hf., dótturfélag Landsbankans hf., hefur selt fyrirtækið Ístak Ísland ehf. danska verktakafyrirtækinu Per Aarsleff AS (www.aarsleff.com) sem átti hagstæðasta tilboðið í félagið. Kaupverðið er trúnaðarmál.

Söluferlið hófst með auglýsingu þann 22. janúar 2015 og var opið öllum áhugasömum fjárfestum sem stóðust hæfismat og gátu sýnt fram á fjárfestingargetu umfram 500 milljónir króna.

Per Aarsleff AS er rótgróið og sterkt félag sem er skráð á Nasdaq OMX Copenhagen. Árstekjur félagsins nema jafnvirði um 170 milljarða íslenskra króna. Félagið sinnir verktöku í mörgum löndum meðal annars á Grænlandi og nú einnig á Íslandi. Starfsmenn eru um 4.500 talsins.

Ístak Ísland ehf. byggir starfsemi sína á 45 ára reynslu Ístaks á Íslandi, Noregi, Grænlandi og í Færeyjum. Markaðssvæði Ístaks Íslands ehf. er Ísland, Grænland og Færeyjar. Félagið sérhæfir sig í verktöku á sviði virkjana, jarðgangna, hafnarmannvirkja, stærri iðnaðarmannvirkja og stálsmíði og er einn fárra innlendra valkosta þegar kemur að framkvæmdum og þjónustu við virkjanir og stóriðju.

Ístak hf. mun áfram sinna samningsbundnum verkefnum í Noregi.

Hvalfjarðargöng lokuð um helgina

Hvalfjarðargöng verða lokuð um helgina vegna malbikunar, frá kl. 20.00 að kvöldi föstudags 15. maí til kl. 06.00 að morgni mánudags 18. maí.

Einnig veður lokað um göngin tvær nætur í næstu viku. Lokað verður frá kl 22.00 að kvöldi mánudags 18. maí til 06.00 að morgni þriðjudags 19. maí og aftur frá kl 22.00 að kvöldi þriðjudags 19. maí til kl 06.00 að morgni miðvikudags 20. maí.