Á næstu vikum verða opnaðir þrír nýir frisbígolfvellir í Reykjavík. Þeir verða í Laugardal, Fossvogsdal og efst í Elliðaárdal. Tillögur um vellina hlutu brautargengi í íbúakosningunum„Betri hverfi” í byrjun ársins.
Monthly Archives: July 2014
Heimila götusölu í Austurstræti tímabundið
Borgarráð hefur samþykkt að veita tímabundið leyfi til götu- og torgsölu í Austurstræti eins og verið hefur undanfarin ár. Heimiluð er svokölluð markaðssala með einfalda söluaðstöðu. Samþykktin gildir til áramóta og á að nota tímann til að endurskoða reglur um götu- og torgsölu í miðborginni.
Með samþykktinni er söluaðilum gefið svigrúm til að aðlagast reglum um götu- og torgsölu frá 3. apríl, en þá var markaðssala heimiluð á svæði við Bernhöftstorfuna, á Ingólfstorgi og á bílastæði við Geirsgötu.
Á upplýsingasíðu um götu- og torgsölu segir að sala á markaðssvæðum sé heimiluð á tímanum 9 – 21 og gerð er krafa um að útlit söluaðstöðu fari vel í umhverfinu og að efnisnotkun, ásýnd og yfirbragð sé vandað. Söluleyfi fyrir markaðssölu kostar 20 þúsund krónur á mánuði.